ALUMNOS
DO CEIP MESTRE RAMIRO SABELL MOSQUERA DE PONTEAREAS LOGRAN CREAR DUAS
COOPERATIVAS EMPRESARIAS DENTRO DO PROXECTO COOPERANOVA
A deputada
provincial Marta Iglesias e o alcalde de Ponteareas, Salvador Gaonzález Solla,
acompañados pola concelleira de comercio e industria, Marisol Valado e o
concelleiro de educación, Andrés Sampedro, xunto a responsables do centro, entregaron as acreditacións aos estudantes nun
acto no centro.
O programa
Cooperanova da Deputación de Pontevedra logrou o desenrolo de 12 cooperativas
en 10 colexios de 9 municipios, nas que participaron un total de 233 alumnos,
Arbo, Valga, Tui, A Garda, Pontevedra, Ribadumia, Ponteareas, A Estrada e
Forcarei.
No CEIP Mestre Ramiro Sabell Mosquera de
Ponteareas, 37 alumnos recibiron na mañá
do mércores as tarxetas identificativas das dúas cooperativas escolares creadas
no centro, dentro do proxecto “Emprender na miña Escola-Cooperanova”.
O programa Cooperanova, que ademais de contar co
apoio da Deputación, está realizado en colaboración coa Consellería de Cultura,
Educación e Ordenación Universitaria da Xunta de Galicia e pretende trasladar
aos estudantes un espírito emprendedor e os coñecementos básicos da formación e
xestión dun proxecto empresarial. A intención é que os alumnos traballen
durante o curso na constitución e posterior xestión de cooperativas escolares,
seguindo principios básicos como traballo en equipo, ou a elaboración e
comercialización de produtos no mercado local.
No caso do CEIP Mestre Ramiro Sabello de
Ponteareas, os dous proxectos realizados teñen a denominación de Tijeriladia e
Imagina.
Tanto Marta Iglesias como Salvador González Solla
felicitaron aos profesores e estudantes polo traballo realizado e confiaron en
que a experiencia contribúa de maneira decisiva á formación dos mozos
estudantes.
Os alumnos celebraron previamente unha asemblea
constituínte das súas cooperativas e elixiron democraticamente aos distintos
integrantes da xunta directiva (presidente, tesoureiro, secretario). Ademais,
organizáronse departamentos específicos como os de calidade, mercadotecnia,
imaxe ou relacións públicas. Os membros aportaron un capital inicial e
incorporación nos seus estatutos de responsabilidade social na que explicitan
qué parte dos beneficios irán destinados a unha con fins sociais.
Para realizar un seguimento pormenorizado do
proxecto poida consultarse na páxina web da Deputación de Pontevedra (www.depo.es), ou ben no enlace
http://emecooperanova.wordpress.com/