Arévalo visita na
Veigadaña as obras de construcción da nave de TYM Ganaín, que estará rematada a
principios do ano que ven
Esta empresa de
caldereiría naval e industrial adheriuse ó plan de formación do Concello de Mos
e formará a 10 desempregados mosenses de setembro a
novembro
A alcaldesa de Mos,
Nidia Arévalo, o concelliro de Formación e Emprego, Óscar Soto, e a concelleira
de Urbanismo, Julia Loureiro, visitaron onte as obras de construcción da nova
nave da empresa de caldereiría TYM Ganaín no Parque Empresarial
Mos-Veigadaña.
Segundo lles
informaron responsables da empresa ós representantes municipais, prevese que os
traballos de construcción se atopen totalmente rematados de cara ó primeiro
trimestre do vindeiro ano 2013, sobre o mes de marzo, máis concretamente, para
poder inaugurar e abrir as súas portas en abril.
Esta nave, que
contará con oficinas e fábrica, estase a edificar nuna parcela de
8.000
metros cadrados na Veigadaña. Tras a apertura das novas
instalacións en Mos, a empresa TYM Ganaín manterá a súa palntilla de 99
traballadores que se repartirán entre Vincios e a nave mosense no polígono da
Veigadaña.
TYM Ganaín é unha
das empresas asentadas en territorio mosese que nas últimas semanas foi visitada
por Soto e Arévalo e acordou adherirse ó plan de formación con opción a
contratación futura para desempregados veciños do Concello de
Mos.
Durante o encontro
de onte, os representantes da empresa xa lles concretaron á rexedora local e ó
tenente alcalde e edil de Formación e Emprego que finalmente, e tras a sinatura
do convenio de colaboración, iniciarán a formación nas súas instalacións en
materia de caldereiría industrial e naval de 10 persoas que comenzarán a recibir
clases dende o vindeiro mes de setembro e ata o 12 de novembro de
2012.
A ronda de visitas
polas empresas de recente asentamento no Parque Empresarial Mos-Veigadaña e por
outras xa instaladas noutros lugares do municipio, foi iniciada polos
representantes municipais fai poucas semanas para poñer en marcha un plan
conxunto de formación para desempregados, dada a longa listaxe de veciños en
situación de desemprego que se dirixen ó Concello de Mos na procura dun posto de
traballo e de asesoramento laboral. O obxectivo destas visitas é a posta en
marcha dun proxecto de convenios de colaboración con empresas ubicadas na
localidade mosense en materia de formación de persoas en situación de desemprego
con posterior compromiso de inserción no mesmo lugar onde se cursou a formación.
Este plan de
formación ideado polo Concello mosense consiste en que as empresas interesadas
en adherirse mediante convenios de colaboración formen ós desempregados co
perfil que lles interese nos postos concretos que a empresa decida, correndo a
cargo da administración local os gastos de seguro das persoas en formación. Pola
súa banda, os empresarios adquiren o compromiso de crear unha bolsa de emprego
cos alumnos formados, á que recurrir no momento que precisen contratar a alguén
nese posto, ben por aumento do volumen de traballo ou para substitucións de
baixas médicas e vacacións, etc. Ademais, a formación recibida serviralles ós
formados para ter máis posibilidades de ser contratados noutras empresas do
mesmo sector da que os formou.
O obxectivo
prioritario deste proxecto é o de fomentar a formación e a contratación dos
mosenses menores de 35 anos, xa que neste rango de idade existen desempregados
que carecen de formación algunha, atopándose nunha situación de total
desvantaxe.
A intención do
Concello é a de que as empresas interesadas en participar neste proxecto poidan
comenzar a impartir a formación en setembro e ata finais de ano. As previsións
municipais son de lograr a formación de unhas 50 persoas, aínda que cada empresa
é a que decide a cantas persoas pode formar e canto tempo é necesario para a súa
formación.
TYM
Ganaín
TYM Ganaín é unha empresa de
caldereiría con máis de 25 anos de experiencia na fabricación para os sectores
naval e industrial, fabrica ademais todo tipo de produtos para o sector naval
entre os que se atopan tobeiras, timóns, tuneis de hélice de maniobra, e
carcasas para turbinas de centrais hidroeléctricas, tubos de bocina, bloques de
buques, estabilizadores, paus, plumas, portas, escotillas, escaleiras, condutos
de ventilación, montaxes navais, reparacións navais, etc. Tamén presta
asistencia no deseño de ditos produtos, dende o trazado ata a xestión e
aprobación de planos coas distintas entidades de
clasificación.
No ano 1997 TYM Ganaín
implantou un sistema de calidade co que obtivo ese mesmo ano a certificación ISO
9002:1994 por Det Norske Veritas España. No 2003 TYM Ganaín, como parte do Grupo
Ganaín, un conxunto de empresas con presencia en distintos sectores industriais,
recertifícase pola nova norma ISO 9001:2000 en Produción de Elementos Soldados
de Caldereiría pola Industria Naval e Terrestre. Para facelo novamente en 2005
baixo a norma ISO 14001:2004, consecuencia do compromiso adquirido pola
dirección da empresa fronte á conservación da natureza e do medio ambiente.
Tamén contan coa OHSAS 2007 en Sistemas de Xestión de Saúde e Seguridade
Laboral.
O nivel de exportación de TYM
Ganaín representa máis do 85% da súa producción total. Esta empresa exporta a
países da Unión Europea coma Francia, Portugal, Alemaña, Dinamarca, Polonia,
Suecia, Finlandia e a países de fóra da Unión coma Noruega.
O principal produto
de exportación de TYM Ganaín son as tobeiras e os timóns. Entre os clientes da
empresa atópase Rolls-Royce Marine A.S.